პროექტები:

„Middle Seas Capital“-ი ახორციელებს ინვესტიციებს იმ ნოვატორულ და გრძელვადიან პროექტებში, რომლებსაც აქვთ ქართული ეკონომიკის გაძლიერების პოტენციალი. ჩვენ მიერ შესრულებული პროექტებია:- შპს „Geo Organics“-ი და „Georgian Retail Investments“-ი. ორივე პროექტი ყოველწლიურად წარმატებით ვითარდება და თავიანთ სფეროებში წამყვან ადგილს იკავებს.

შპს ,,გ-აგრო"

ბიზნესმენ უჩა მამაცაშვილის კიდევ ერთი მნიშვნელოვანი ინვესტიცია საქართველოში.

სააქციო საზოგადოება „მიდლ სის კაპიტალ“-ის დამფუძნებელი, ბიზნესმენი, უჩა მამაცაშვილი შპს „გ-აგრო“-ს 100% წილის მფლობელი გახდა. „გ-აგრო“ არის შეზღუდული პასუხისმგებლობის საზოგადოება, რომელსაც სამეგრელოს რეგიონში რამდენიმე ჰექტარზე აქვს გაშენებული სხვადასხვა ჯიშის მოცვის ნერგები.

შპს „მელიქიშვილი ინნ“

შპს “მელიქიშვილი ინნ” ახორციელებს ახალი სასტუმროს პროექტს. კონცეპტუალური სასტუმრო, თბილისის ცენტრში, ქალაქის ერთ-ერთ საინტერესო ტურისტულ ნაწილში, მელიქიშვილის 5 ნომერში მდებარეობს. პროექტით გათვალისწინებულია 10 სართულიანი სასტუმროს მშენებლობა, რომელიც აერთიანებს 116 ნომერს  სხვადასხვა ტიპის დამსვენებლებისთვის.

შპს „Geo Organics“

შპს „Geo Organics“-ი 2017 წელს დაფუძნდა და მისი საქმიანობის მიმართულებები ფარმაცევტული და კოსმეტიკური პროდუქციის წარმოებაა. საწარმო, რომელიც სოფელ ზემო ლისზე მდებარეობს, GMP-ს საერთაშორისო სტანდარტის მიხედვით აშენდა. „Geo Organics“-ი საქართველოში ბიოლოგიურად აქტიურ დანამატებსა და კოსმეტიკას უშვებს. წარმოების ყველა ეტაპზე კომპანიის პროდუქცია ხარისხის უმაღლეს კონტროლს გადის. გარდა ამისა, „Geo Organics“-ის ბაზაზე დაგეგმილია ლაბორატორიის აშენება, სადაც, საერთაშორისო სტანდარტების შესაბამისად, სხვადასხვა კოსმეტიკური საშუალების დამზადება იქნება შესაძლებელი.

შპს „Georgian Retail Investments“

შპს „Georgian Retail Investments“-ი საქართველოში იტალიური ყავის ბრენდის, „illy Caffé “-ს ოფიციალური წარმომადგენელია. „Georgian Retail Investments“-ი 2017 წელს დაარსდა. დღეისთვის კომპანია თბილისში „illy Caffé Georgia“-ს ორ ობიექტს ფლობს, თავისუფლების მოედანზე მდებარე სავაჭრო ცენტრ „გალერია თბილისსა“ და თბილისის საერთაშორისო აეროპორტში. უახლოეს მომავალში კი, კაფეების ქსელის გაფართოება და ახალი ობიექტების გახსნა იგეგმება თბილისსა და საქართველოს სხვა რეგიონებში.

თბილისი, ქ.წამებულის/ბოჭორმის ქ. #50/18
(ბიზნეს ცენტრი GRG, მე-10 სართული , “გ” ბლოკი)

ყველა უფლება დაცულია. 2020